سمنگان ولایتیده اویوشتیریلگن ترورچیلیک هجومگه عاید مطبوعاتی اعلامیه

بوگون ایرته‌لب سمنگان ولایتی مرکزی ایبک شهریده اویوشتیریلگن ترورچیلیک هجوم عاقبتیده بیر قنچه وطنداشلریمیز شهید و یره‌لنگنیدن علاوه عامه تاسیساتلرگه کتّه زیان ییتکزیلگنی جوده اچینرلی.

تینچ اهالی و گناه سیز کیشیلر اینیقسه خاتینلر، باله‌لر و عامه خدمات ملازملری، طالبلر تامانیدن نشانگه آلینیشی زوروانلیک همده اوروش نینگ کوپه‌یشی طالبلرنینگ افغان تینچ اهالی و مملکت ملی بایلیکلریگه هیچ قنده‌ی بها بیرمسلیگینی انیق بیلدیره‌دی.

بونده‌ی حرکتلر هر دایم تینچلیک توغریسیده‌گی فرصتلر و بین الافغانی مذاکره‌لرنی معماگه روپه ره قیلگن.

گناه‌سیز آدملر و عامه تاسیساتنی نشانگه آلیش اوروش و کیچیریلمس بیر جنایت بولیشیدن تشقری، بو ایش برچه دینی، انسانی و اسلامی قدریتلرگه ضد دیر.

ایبک شهریده یوز بیرگن ترورچیلیک هجومنی قتّیق قاره‌لگن حالده، بوگون حادثه‌ده شهید بولگنلر عایله اعضالریگه قیغواشلیک بیلدیریب و واقعه‌ده یره‌لنگنلرنی الله درگاهیدن تولیق ساغه‌لیشینی ایسته‌یمن.

افغانستان اسلامی جمهوریتی ملی خوفسزلیک مصلحتچیسی داکتر حمدالله محب