ملی خوفسیزلیک مصلحتچیسی داکتر ایاز نیازی نینگ عایله‌سیگه تعزیه‌ بیلدیردی

افغانستان اسلامی جمهوریتی نینگ ملی خوفسیزلیک مصلحتچیسی داکتر حمدالله محب، بوگون کیچقورون، داکتر ایاز نیازي نینگ عایله‌سیگه تعزیه‌ اظهار ایتیش اوچون ایچکی ایشلر وزیرلیگی سرپرستی مسعود اندرابی همراهلیگیده وزیر محمد اکبر خان مسجدیگه باردی و شهید نیازي نینگ اوغلی و دوستلریگه تعزیه‌ بیلدیردی.

ملی خوفسیزلیک مسأله‌لری بوییچه‌ مصلحتچی داکتر محمد ایاز نیازینی وطنپرور و خدمتکش شخص صفتیده حیاتینی اسلامگه خدمت قیلیش و دینی علملرنی اورگه‌تیشگه بغیشله‌گن دیب ایتدی.

محب جنابلری، مملکت نینگ کتّه‌ بایلیگی حسابلنگن دینی علمالر نینگ اولدیریلیشیگه یول قویمسلیک اوچون، یقینده اوز خوفسیزلیگینی تأمینلش و اولرگه نسبتاً زوروانلیکنی آلدینی آلیش مقصدیده اوز فعالیتینی باشله‌یدیگن دین عالملرینی حمایه‌ قیلیش کمیته‌سی تشکیل ایتیلگنینی تأکیدله‌دی.

ملی خوفسیزلیک مصلحتچیسی جناب نیازی نینگ یوقالیشینی مملکت و اسلامی همجمعيت اوچون کتّه‌ یوقاتیش دیب اته‌دی.

ملی خوفسیزلیک مصلحتچیسی یقینده شهید بولگن رحمتلی نيازیگه بهشت بَرین طلب قیلدی.