ملی خوفسیزلیک مصلحتچیسی امریکا تشقی ایشلر وزیرلیگی نینگ جنوبی و اورته آسیا ایشلری بوییچه دستیاری بیلن اوچره شدی


افغانستان اسلامی جمهوریتی ملی خوفسیزلیک مصلحتچیسی داکتر حمدالله مجب، امریکا قوشمه ایالتلر تشقی ایشلر وزیرلیگی نینگ جنوبی همده اورته آسیا ایشلری بوییچه دستیاری دین تامپسون بیلن کابل ده اوچره شدی.

تامپسون جنابلری امریکا قوشمه ایالتلری جمهور رئیسی جوبایدن جنابلری پیامینی محب جنابلریگه ییتکزدی. پیامده افغان امنیتی و دفاعی کوچلریگه کورسه تیله دیگن یاردملر دوامی، بو مملکت ترقیات بولیمیده گی کمکلر و افغانستان صلح پروسه سی امریکا تامانیدن حمایت بولیش تعهدی بیلدیریلگن.

داکتر محب جنابلریگه کوره، افغانستان جوبایدن نینگ قراریگه حرمت قیله دی و امریکا قوشمه ایالتلری بیلن خلق ارا بیر همکار صفتیده خلق ارا کوچلر منتظم و ثمره لی آلیب چیقیلیشی اوچون یقین دن همکارلیک قیلیب دیپلوماتیک ماموریت بوییچه ایشلرگه دوام بیره دی.

مملکت ملی خوفسیزلیک مصلحتچیسی، افغان امنیتی و دفاعی کوچلری مملکتلرینی حمایت قیلیش قابلیتیگه ایگه لر و ترورچیلیککه قرشی کوره ش ده افغانستان ایشانچلی بیر شریک حسابلنه دی دیدی.