ملی خوفسیزلیک مصلحتچیسی تورکیه مدافعه وزیر بیلن اوچره شدی

افغانستان اسلامی جمهوریتی ملی خوفسیزلیک مصلحتچیسی داکتر حمدالله محب، بوگون توشدن کیین تورکیه مدافعه وزیری خلوصی آکار بیلن تیلفونده گپیریب، تینچلیک پروسه سی و ایکّی مملکت اورته سیده گی امنیتی همکارلیکلر باره سیده فکر المشتیردیلر.
 
ناتو ماموریتی چهار چوبه سیده تورکیه دولتی نینگ افغانستان ده گی فعال حصه سیدن منتدارچیلیک قیلگن داکتر محب جنابلری، دایمی بیر تینچلیک اوچون تورکیه نینگ مخصوص سعی و حرکتیدن تشکرلیک قیلدی.
 
آکار جنابلری افغانستاندن حمایت بیلدیریش یانیده تینچلیک توغریسیده گی سعی و حرکتلرده آتیش کیسین برقرار ایتیلیشی و افغانستانده دایمی تینچلیک تامینله نیشی اوستیده تاکیدله دی.
 
اوشبو تیلفون صحبت ده هر ایکّی تامان تورکیه و افغانستان مناسبتی نینگ یوز ییللیگینی تیلگه آلیب بو علاقه هر ایکّی دولت نینگ چوقور ایلدیز آتگن یخشی مناسبتیدن کیلیب چیقیشینی مخته دیلر.