ملی خوفسیزلیک مصلحتچیسی، داکتر حمدالله محب نینگ شرح حالی

افغانستانلیک دیپلومات و افغانستان اسلامی جمهوریت دولتی نینگ یوقاری مرتبه‌لی اعضاسی داکتر حمدالله محب، ۲۰۱۸- ییل آگست آییدن بیری افغانستان اسلامی جمهوریتی نینگ ملی خوفسیزلیک مصلحتچیسی صفتیده وظیفه بجریب کیلماقده.

او، ملی خوفسیزلیک مصلحتچیسی صفتیده ایش باشله‌گنیدن بیری امنیتی بولیملرگه کینگ کولمده اصلاحات آلیب کیلدی.

افغانستان خوفسیزلیک و دفاعی کوچلری اورته‌سیده هماهنگلیک آشیشی، تورلی بولیملرده رهبرلیک و قومندانلیکنی کوچه‌یتیریش، خوفسیزلیک و دفاعی اداره‌لرگه متخصص و صادق کادرلرنی تَنیشتیریش، خدمت کورسه‌تیشنی  تیزلشتیریش اوچون خوفسیزلیک اداره‌لرنینگ مالی و تخنیکی بولیملرنی باشقریش، فسادنی ایلدیزدن یوق ایتیب کوره‌شیش محب جنابلری کوپراق اعتبار بیرگن موردلردن حسابلنه‌دی.

افغانستان خوفسزلیک اداره‌لریگه آلیب کیلینگن اصلاحات نتیجه‌سیده، مملکت خوفسیزلیک ودفاعی کوچلری نینگ صفتیده اوروش میدانلریده ثمره‌لی نتیجه بیرگن و امنیتی بولیملرده قابلیت آرتیشیگه سبب بولگن.

محب جنابلری، م ۲۰۱۵- ییل نینگ سپتمبر آییدن م ۲۰۱۸- آگست آییگچه افغانستان نینگ امریکا قوشمه ایالتلریده‌گی ایلچیسی اوله‌راق وظیفه بجرگن و اوزی نینگ ماموریتی دوامیده ایجابی و فایده‌لی ایشلرنی بجرگن. او، افغانستان نینگ واشنگتن‌ده‌گی ایلچیسی صفتده ماموریت قیله دیگن بیر چاغده مکسیکو، دومینکن جمهوریتی، ارجنتاین و کولمبیاده هم دایمی بولمه‌گن ایلچسی اوله‌راق وظیفه قیلگن.

داکتر محب ایلچی صفتیده اوزی نینگ ماموریتی دوامیده، افغانستان و امریکا قوشمه ایالتلری استراتژیک علاقه‌سی کینگه‌یب و کوچه یتیریلیشی اوچون اساسی رولنی اوینه دی و قوشمه فرصتلر و اساسی منفعتلرگه یونلتیریلگن خوفسیزلیک همکارلیکلر کوچه‌یتیریلیشی، ترورچیلرگه قرشی کوره‌ش، اقتصاد کینگه‌شی، فسادگه قرشی کوره‌ش، معارف و آدملر بیلن مناسبتگه دییرلی اعتبار بیردی.

امریکا نینگ تورلی اداره‌لری بیلن یقیندن ایشلب فعالیت قیلگن داکتر محب، ۲۰۱۷- ییل نینگ سپتمبر آییده جنوبی آسیا باره‌سیده ترامپ نینگ استراتیژیسی عملگه آشیریلیشی اعلان قیلینگنده؛ افغانستان مساله‌لریگه عاید پالیسیگه یونلتیریلگن بحث و مناظره‌لرده اساسی رولی بار ایدی و افغانستان نینگ ینگی تعریفی روایتی، یاش دموکراسی، ینگی افغانستان حقیقتلری، تینچلیک و اوزنی - اوزی حمایت قیلیشنی عکس ایتیریش بولیملرده فعالیتلرینی دوام ایتتیردی.

محب جنابلری ایلچیلیکده‌گی ماموریتیدن آلدین، افغاسنتان اسلامی جمهوریتی ریاست دفتری نینگ اورین باسری حیثیده وظیفه بجردی.

اوزی نینگ تحصیلاتینی ماسترلیک و دوکتورا سویه‌سیده بریتانیانینگ برنل بیلیم یورتیده یکونلتنیرگن محب جنابلری پشتو، دری و انگلیسچه ده بی‌ملال گپیره‌دی و شونینگدیک اردو/ هندی تیلینی یخشی بیله‌دی.