داکتر حمدالله محب نینگ شرح حالی
افغانستان اسلامی جمهوریتی ملی خوفسیزلیک مصلحتچیسی
داکتر حمدالله محب (۱۳۶۱- ییلده توغیلگن) افغانستانلیک دیپلومات/ سیاستچی و جمهور رئیس محمد اشرف غنی حکومتی نینگ یوقار مرتبه‌لی رسمیسی. داکتر محب عالی تحصیلاتینی لندن نینگ برونیل بیلیم یورتیده ماسترلیک و دوکتورا درجه‌سیده اۉقیگن.
داکتر محب حاضرگی پیتده افغانستان اسلامی جمهوریتی ملی خوفسیزلیک بۉییچه مصلحتچی صفتیده خدمت قیلماقده. ایلگری داکتر محب افغانستان نینگ امریکا قۉشمه ایالتلریدهگی اېلچیسی و مکسیکو، دومینیکن جمهوریتی، ارجنتاین و کولمبياده‌گی بالواسطه اېلچیسی صفتیده هم ایشله‌گن.
او افغانستان نینگ وا‌شینگتن‌ده‌گی اېلچیلیگیگه چوقور اۉزگریشلر کیریتدی، او امریکا قۉشمه ایالتلری و باشقه مهم اتفاقچیلر بیلن افغانستان تشقی سیاستینی رواجلنتیریشده تنیقلی شخص اېدی. داکتر محب امریکا قۉشمه ایالتلری اېلچیسی اېتیب تعیینلنیشیدن آلدین افغانستان جمهور رئیسی نینگ ریاست دفتری باشلیغی اۉرین‌باسری بۉلیب ایشله‌گن.
ریاست دفتر اورین باسری صفتیده، سۉزلاووچی دفترینی نظارت قیلیش، دیپلماتیک علاقه‌لر و مکتوبلر ایشلری بیلن شغلنووچی دفتر، تشریفات دفتری، جمهورلیک ریاستی (دارالانشاسی) نینگ سکرتریت و عرایض دفتری ایشلری بیلن هم شغللنگن. داکتر حمدالله محب جمهورلیک ریاستی سراییده وظیفه بجرگن پیتلریده دولتمه - دولت علاقه‌لرنی یخشی تامینلش اوچون ایکّی تامانلمه و نېچه تامانلمه پیش نویسنی تیارلشده ثمره‌لی ایشله‌گن.
داکتر محب شونینگدېک، حکومت نینگ اۉندن آرتیق دولتلرگه رسمی تشریفلرینی تیارلش و اۉتکزیشده خلق‌ارا همجعميت بیلن فعال همکارلیک قیلیش استراتیژيسی بۉییچه فعالیت بیلن هم شغللنگن. داکتر محب، جمهورلیک ریاستی مذاکره قیلووچی تیمی نینگ نېچه مرته حکومتلر ارا همکارلیکلر کېلیشووی و افغانستان "تحقق خودکفایی" ملی ترقیات اصلاحات استراتیژسینی توزیب اونی باشقریب رهبرلیک هم قیلگن دیر.
داکتر محب، ۲۰۱۵- ییل سپتمبر آیگچه افغانستان ملی خوفسیزلیک مصلتحتچیسی صفتیده ایش باشله گونگه قدر ۲۰۱۸- ییل ۲۵- آگستگچه افغانستان نینگ امریکا قۉشمه ایالتلریدهگی اېلچیسی صفتیده خذمت قیلگن. اېلچی وظیفه‌سینی بجرر اېکن، محب افغانستاندهگی ینگی واقعلیکنی دېموکراسی ینگی اۉزگریشلر و اجتماعي رواجلنیش آرقه‌لی تینچلیک و برقرارلیک یۉلیده تورگن معمالرنی امریکالیکلر بیلن اۉرته‌گه قۉییب قَیته کۉریب چیقیشگه اولگورگن.
داکتر محب افغانستان بیلن باغلیق سیاستنی محاکمه قیلیشده فعال اشتراک اېتدی و جمهور رئیس ترمپ نینگ افغانستان و جَنوبی آسیا بۉییچه ۲۰۱۷ ییل یازیده اعلان قیلگن سیاستیدن آلدین و کېین تېگیشلی تشکیلاتلر بیلن قیزغین مذاکره‌لر اۉتکزدی. داکتر محب اېلچی بۉلگن دورده امریکا قۉشمه ایالتلری و افغانستان همکارلیگینی کوچلی عمومی منفعتلر و امکانیتلر اساسیده، جمله‌دن، حربی علاقه‌لرنی مستحکملش، اقتصادی رواجلنیش امکانیتلرینی رغبتلنتیریش، فسادنی کمه‌یتیریش و تروریزمگه قرشی کوره‌شنی کوچه‌یتیریش ضرورلیگینی تأکیدله‌دی.
داکتر حمدالله محب ۲۰۱۸- ییل ۲۵- آگست آییده، محمد حنیف اتمر اۉرنیگه جمهور رئیس محمد اشرف غنی حکومتیده افغانستان اسلامی جمهوریتی ملی خوفسیزلیک مصلحتچیسی صفتیده تعیینلندی. ملی خوفسیزلیک بۉییچه مصلحتچی صفتیده ایش باشله‌گنیدن بېری داکتر محب خوفسیزلیک و مدافعه ساحه‌لریده کتّه اصلاحاتلرنی عملگه آشیردی و سېزیلرلی نتیجه‌لرگه اېریشدی.
داکتر محب افغانستان ملی مدافعه و خوفسیزلیک کوچلری اۉرته‌سیده‌گی موافقلیکنی یخشیلشگه اعتبار قره‌تدی و بو مهم بۉلیمنی حکومت نینگ دایمی اعتباری مرکزیگه ایلنیردی. خوفسیزلیک ساحه‌سیده‌گی یېتکچیلیک ترکیبی و باشقرووینی تکامللشتیریش داکتر محب نینگ دقّت مرکزیده‌گی ینه بیر اوستوار وظیفه بۉلیب، او ملی خوفسیزلیک و مدافعه کوچلریگه رهبرلیک لوازملرگه صادق عسکرلر و مسلکی منصبدارلرنی جلب قیلیشگه آلیب کېله‌دی.
شفقتسیزلیک و فسادنی کمه‌یتیریش امکانیتلریدن فایده‌لنیشگه حرکت قیلیش، داکتر محب نینگ قیزیقتیرگن ینه بیر مهم یۉنه‌لیش دیر. ۲۰۱۹ - ییلده ایچکی ایشلر وزیرلیگی بیرینچی مرته بودجه‌نی کۉردی و ایچکی ایشلر وزیرلیگیده‌گی فساد‌گه قرشی کوره‌ش حکومت اوچون میلیاردلب افغانینی حیف و میل بۉلیشی نینگ آلدینی آلدی.
اوشبو حرکتلر افغان خوفسیزلیک و مدافعه کوچلری‌نینگ عمومی ثمره‌دارلیگیگه بې‌واسطه تأثیر کۉرستدی و بو افغانستان‌گه طالبان هجوملرینی آلدینی آلیش و افغانستاننی بې‌قرارلشتیریش و خلقنی قۉرقیتیش رېجه‌لرینی عملگه آشیریش نینگ آلدینی آلیشگه امکان بېردی.
داکتر محب افغانستاندهگی اوروش نینگ حربی یېچیمی یۉقلیگیگه و بو اوروش نینگ آخری تینچلیک بیلن توگه‌شیگه ایشانماقده. ملی خوفسیزلیک مسأله‌لری بۉییچه مصلحتچی صفتیده داکتر محب، اینیقسه، افغان حکومتی‌نینگ تیکلنیش مقصدیگه ماس روشده تورلی ساحه‌لرده‌گی شکایتلرنی حل قیلیش اوچون محلی شکایتلر و محلی مأمورلرنینگ خدمتلرینی یخشیلشگه اعتبار قره‌تدی.
داکتر محب، مملکت خوفسیزلیک و مدافعه کوچلری‌نینگ امکانیتلری، ثمره‌دارلیگی و یېترلیلیگینی کوچه‌یتیریش طرفداری و یقین کېله‌جکده خوفسیزلیک و مدافعه سکتوری اۉزینی اۉزی تأمینلش قابلیتیگه اېگه بۉلیشیگه ایشانه‌دی. داکتر محب نینگ تعبیریچه، تینچلیک افغانستان خلقی و حکومتی نینگ اساسی طلبی و مملکت نینگ خوفسیزلیک و مدافعه کوچلری کوچلی، ثمره‌لی و افغانستان و اونینگ بوتون اهالیسی اوچون مناسب تینچلیککه اېریشیش اوچون اولگوره‌دیلر.
پشتو، دری و انگلسچه تیللریده بوتکول گپیره آله دېگن محب جنابلری اردو تیلیده هم گپیره آله‌دی. اونینگ افغانستان سیاستیگه عاید کۉپلب یازوولری، علمی مقاله‌لری خلق‌ارا ایشانچلی عامه‌وی اخبارات واسطه‌لریده نشر قیلینگن.