ملی خوفسیزلیک کېنگشی

ملي خوفسیزلیک کېنگشی اساسی قانون نینگ ۶۴-مادّه‌سیگه اساسله نیب و افغانستان اسلامی جمهوریتی قوراللی کوچلری اعلي قوماندانلیگی نینگ رۉلینی نظرده توتگن حالده، تشکیل اېتیلگن.

ملی خوفسیزلیک کېنگشی مملکت جمهور رئیسی تامانیدن باشقریله‌دی. ملی امنیت، یېر بوتونلیگی و ملی حاکمیت خصوصیده قرار قبول قیلیش اوچون اېنگ یوقارلی و صلاحیتلی اداره حسابلنه‌دی. مملکت نینگ حربی، نا حربی و امنیتی بلند مرتبه‌لی رسمیلری ملی خوفسیزلیک کېنگشی‌گه اعضالیک قیله دیلر و بولر اۉزی نینگ وظیفه‌سی و مسوولیتینی قانون حکمی اساسیده بجره‌دیلر.

ملی خوفسیزلیک کېنگشی مملکت نینگ خوفسیزلیگی و ملی منفعتی اوچون تهدید حسابلنگن ایچکی و تشقی موضوعلر باره‌سیده انیق تعریف و بونینگ تیکشیریلیشی باره‌سیده لازم قرارلر قبول قیله‌دی.

 ملی خوفسیزلیک کېنگشی ییغیلیشی هفته بیر مرته افغانستان اسلامی جمهوریتی جمهور رئیسی  باشچیلیگیده اۉتکزیله‌دی. ییغلیشده مملکت نینگ تېگیشلی مهم امنیتی مسله‌لریدن تشقری، ریجه‌لر، استراتیژیکلر طرزالعمللر و مملکت نینگ خوفسیزلیگی‌گه قره‌شلی باشقه دستورلر تصدیقلنه‌دی.

شونینگدېک ملی خوفسیزلیک کېنگشی ییغلیشیده مملکت نینگ خوفسیزلیک وضعیتیگه اعتبار بېریلگن حالده، احتیاج سېزیلگن تقدیرده، فوق العاده ییغیلیش اۉتکزه‌دی.

ملي خوفسیزلیک کېنگشی نینگ سیاستی یاکه مقصدلری

ملي خوفسیزلیک و ملي منفعتلرگه قرشی ایچکی و تشقی تهدیدلرنی انیقلش و اۉرگنیش و اولرنی برطرف اېتیش اوچون ضرور قرارلرنی قبول قیلیش.

مملکت نینگ مکمل سیاستی و سیاستینی حسابگه آلگن حالده، مملکت نینگ خوفسیزلیک و مدافعه‌ سیاستینی انیقلب و تصدیقلش و اولر نینگ قنده‌ی عملگه آشیریلیشینی کوزه‌تیب باره‌دی.

افغانستان نینگ خوفسیزلیک و مدافعه‌ سکتورلری نینگ استراتیژیک احتیاجلرینی انیقلش، یېچیملرنی تاپیش و اولرنی تصدیقلش.