مشاور امنیت ملی با شورای اسماعیلیه‌های کشور ملاقات کرد

داکتر حمدالله محب، مشاور امنیت ملی جمهوری اسلامی افغانستان با اعضای شورای هماهنگی اسماعیلی‌های کشور دیدار کرد.

در این نشست اعضای شورای اسماعیلیه، که از نُه ولایت کشور گرد هم آمده بودند، در کنار حمایت از نظام، سیاست‌های حکومت در پروسه صلح و حفظ جمهوریت در این پروسه، خواستار رسیدگی به مشکلات شهروندی‌شان شدند.

مشاور امنیت ملی در این نشست گفت که حکومت به رعایت حقوق همه‌ی شهروندان، از جمله اسماعیلی‌های کشور، متعهد است.

او به اعضای این شورا اعلام داشت، حکومت به تمامی خواست‌های شما از مراجع مرتبط رسیدگی می‌کند.